"ჩვენი დღევანდელი მტერი პირდაპირი მემკვიდრეა ბოროტებისა, რასაც იუნკერები შეეწირნენ" - გიგა ბოკერია
ჩვენი დღევანდელი მტერი პირდაპირი მემკვიდრეა ბოროტებისა, რასაც იუნკერები და ის ადამიანები შეეწირნენ, ვისაც პატივს დღეს მთელი საქართველო მივაგებთ, - ამის შესახებ “ევროპული საქართველოს”თავმჯდომარემ, გიგა ბოკერიამ კოჯორში, იუნკერთა მემორიალთან განაცხადა.
მისივე თქმით, ამ ისტორიულ მომენტში უნდა მოვახერხოთ ქვეყნის შიგნით შეკვრა.
“დღეს, მთელი საქართველო პატივს მიაგებს ადამიანებს, ვინც თავი შესწირეს ჩვენს პირველ რესპუბლიკას, ჩვენი ქვეყნის სუვერენიტეტს, სახელმწიფოებრიობას, ჩვენს თავისუფლებას.
აქ ყოველ წელს ამოსვლის რიტუალი მნიშვნელოვანი რიტუალია, ზოგადად, რიტუალებს საზოგადოებისთვის დიდი მნიშვნელობა აქვს, მაგრამ ამასთან, გადამწყვეტი მნიშვნელობა აქვს იმას, თუ როგორ მოვეპყრობით დღეს იმ თავისუფლებას და სახელმწიფოებრიობას, რასაც ამ ადამიანებმა თავი შესწირეს. როგორ შევაფასებთ ჩვენ წარსულს და რაზე დავაყრდნობთ ჩვენს მომავალს. ყველა, ვინც საბჭოთა რუსეთის - ლენინს, სტალინის, ამ ბოროტების იმპერიის მემკვიდრეობას ცალსახა ბოროტებად არ აფასებს, ამ ადამიანების ხსოვნას აყენებს შეურაცხყოფას და ჩვენს მომავალ თავისუფლებას უქმნის საფრთხეს.
ჩვენი დღევანდელი მტერი პირდაპირი მემკვიდრეა ბოროტებისა, რასაც იუნკერები და ის ადამიანები შეეწირნენ, ვისაც პატივს დღეს მთელი საქართველო მივაგებთ. დღესაც, იმავე ტიპის გამოწვევის წინაშე ვართ, ამ ისტორიულ მომენტში უნდა მოვახერხოთ ჩვენი ქვეყნის შიგნით შეკვრა, ჩვენი მტრისთვის ქვეყნის შიდა ეროვნული სხეულისა, არანაირი სივრცის არ დათმობა; თავისუფალ სამყაროსთან ინტეგრირებით, ჩვენი თავდაცვის გაძლიერებით, ჩვენი დამოუკიდებლობის დაცვა. ნებისმიერი სხვა ალტერნატიული გზა მტერთან რაიმე სახის დალაგების მცდელობის ისე, რომ ჩვენ არ ვიყოთ ძლიერები და თავისუფალი სამყაროს ნაწილი, არის კარგ შემთხვევაში თავის მოტყუება, ხოლო უარეს შემთხვევაში, მტრის საქმის პირდაპირ კეთება”, - განაცხადა ბოკერიამ.
სიახლეები
- "ქვეყნის გადარჩენისთვის ერთადერთი გამოსავალი არის ხალხმრავალი, შეუჩერებელი, მყარი და მშვიდობიანი დემონსტრაციები"
- "ევროპაში, ამერიკაში აღვირახსნილი კამპანიაა, საბავშვო ბაღებში, სკოლებში მიჰყავთ ტრანსგენდერები და ეუბნებიან, თუ შენი სქესი არ მოგწონს, შეგიძლია გადაიკეთოო - ეს არის ანტიადამიანური, დემონური ინიციატივები და ამას სჭირდება ჩაკეტვა"
- "კანონი არ არის ბიძინა ივანიშვილი, კანონი არ არის ირაკლი კობახიძე, კანონი არის კანონი, რომელმაც უნდა დაიცვას ქართველი ხალხი"
- "საჭიროა აშშ-სთან მუშაობა, დიალოგი და საუბარი" - ირაკლი ღარიბაშვილი კონგრესმენების წერილზე
- "ჩვენი უმთავრესი საგარეო პრიორიტეტი ევროკავშირის წევრობაა და ამისთვის ყველაფერი კეთდება" - პრემიერი