" ალბათ, პრეზიდენტსაც ესმის, რომ სააკაშვილის შეწყალება, სულ მცირე, დიდი არეულობისა და დიდი დაპირისპირების პროვოცირებას ნიშნავს" - ირაკლი ქადაგიშვილი
ალბათ, პრეზიდენტსაც ესმის, რომ სააკაშვილის შეწყალება, სულ მცირე, დიდი არეულობის და დიდი დაპირისპირების პროვოცირებას ნიშნავს, - განაცხადა საპროცედურო საკითხთა და წესების კომიტეტის თავმჯდომარემ ირაკლი ქადაგიშვილიმ .
მისი თქმით, ის ეთანხმება პრეზიდენტს, რომ ეს არის ძალიან დიდი მორალური პასუხისმგებლობა და იმედოვნებს, რომ იგი ერთგული დარჩება მისი სიტყვების - „არა და არასდროს“.
„ეს პასუხისმგებლობა მიდის იქამდე, რომ ათობით, ასობით და ათასობით ადამიანი ხდება მიხეილ სააკაშვილის რეჟიმის მსხვერპლი. შეწყალება არ არის მხოლოდ სამართლებრივი აქტი, ეს მართლაც დიდი მორალური პასუხისმგებლობაა ქართველი ერის წინაშე მძიმე ქმედებების ფონზე. რაც სააკაშვილმა გააკეთა და აგრძელებს დღესაც, როცა მძიმე ბრალდებებით აზიანებს ქვეყანას. ვისურვებდი, რომ ქალბატონი სალომე ერთ საკითხში მაინც დარჩეს თავისი სიტყვის ერთგული. ვფიქრობ, ალბათ, პრეზიდენტსაც ესმის, რომ მისი შეწყალება ნიშნავს. მინიმუმ დიდი არეულობის და დიდი დაპირისპირების პროვოცირება, თუ ვინმე ამას გეგმავს საქართველოში, იცოდეს, რომ ეს იქნება აღკვეთილი“, - განაცხადა ქადაგიშვილი.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი