ნიკა მელია - რა უნდა მელიას პარლამენტში, ეს დაახლოებით იგივეა - „რა უნდათ ამერიკელებს შავ ზღვაში“
დეპუტატს არ აქვს ვალდებულება სახლიდან გამოსვლისას საქმის კურსში ჩააყენოს თადუმაძე, ივანიშვილის ადიუტანტი, რომ ის პარლამენტში მიდის,
- ამის შესახებ „ნაციონალური მოძრაობის“ ერთ-ერთმა ლიდერმა ნიკა მელიამ ჟურნალისტებს პარლამენტის პლენარული სხდომის დაწყებამდე განუცხადა.
მისივე თქმით, მას არ გაუფრთხილებია დღეს პროკურატურა პარლამენტში მოსვლის თაობაზე და არც მომავალში აპირებს ამის გაკეთებას.
"რა უნდა მელიას პარლამენტში, ეს დაახლოებით იგივეა - რა უნდათ ამერიკელებს შავ ზღვაში. დიახაც, აუცილებლად ვივლი მაშინ, როცა საჭიროდ ჩავთვლი და არა მხოლოდ პარლამენტში, ვივლი იქ, სადაც უნდა განვახორციელო ჩემი უფლებამოსილება: ქუჩაში, სხვადასხვა ქალაქში, რეგიონში და შევხვდები ამომრჩეველს. ამის უფლებას ვერავინ ჩამომართმევს,"- განაცხადა მელიამ.
შეგახსენებთ, სიტყვები "რა უნდა ამერიკელებს შავ ზღვაში" ლელოს დამფუძნებლის მამუკა ხაზარაძის ინფორმაციით, ბიძინა ივანიშვილს ეკუთვნის.
https://www.interpressnews.ge/ka/
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი