"ქართველი ხალხი არასოდეს ყოფილა მონობისთვის გაჩენილი, არამგონია, საზოგადოებამ ამდენ ტყუილს გაუძლოს"
საუკუნეების განმავლობაში ჩვენი ისტორია გვკარნახობს, რომ ქართველი ხალხი არასოდეს ყოფილა მონობისთვის გაჩენილი. არამგონია, ქართველმა ხალხმა ამდენ ტყუილს გაუძლოს, - ამის შესახებ ექს-პრეზიდენტის, გიორგი მარგველაშვილის მეუღლემ, მაკა ჩიჩუამ პარლამენტთან განაცხადა, სადაც ვადამდელი პროპორციული არჩევნების მოთხოვნით მიმდინარე საპროტესტო აქციას შეუერთდა.
როგორც ჩიჩუა აღნიშნავს, ხალხმა ეს ხელისუფლება უნდა აიძულოს, " მათი შეკვეთა შეასრულოს".
"ეს არის უკიდურესი, ბოლო წერტილი, რაც ამ მთავრობამ და ხელისუფლებამ ტყუილში გვაცხოვრა. არამგონია, ქართველმა ხალხმა ამდენ ტყუილს გაუძლოს, მოითმინოს და გადაყლაპოს და მონებად იქცნენ. საუკუნეების განმავლობაში ჩვენი ისტორია გვკარნახობს, რომ არასოდეს ყოფილა ქართველი ხალხი მონობისთვის გაჩენილი. უკეთესი გვეკუთვნის ჩვენ. თუკი საზოგადოება თანხმდება იმაზე, რომ ჩვენ სიყალბეში ვცხოვრობთ და არ გვაქვს პროგრესი, ყველა შემთხვევაში ბოლოში უნდა გავიდეთ და ვაიძულოთ ეს ხელისუფლება, რომ ხალხის შეკვეთა შეასრულოს", - განაცხადა ჩიჩუამ.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი