ჩარკვიანი და ვაშაძე ,,ძალა ერთობაშია"-ს ტოვებენ
,,ძალა ერთობაშიას" ორი პოლიტიკური პარტია, ,,კანონი და სამართალი" და ,,ახალი საქართველო" ტოვებს.
პარტიის ლიდერები ერთიანდებიან და საარჩევნოდ, ერთიან ბლოკს ქმნიან.
გიორგი ვაშაძე და თაკო ჩარკვიანი პოლიტიკურ გეგმებზე ხვალ ისაუბრებენ.
,,დავაანონსებთ ჩვენს გაერთიანებას, ბლოკს. აქვე დავძენ, რომ ყველასთვის ღიაა კარი, უკვე ვიცით, რომ ძალიან ბევრს უნდა. ამდენი მკვლელობები, სიღარიბე, გამოსავალი საჭიროა და ეს გამოსავალი არის სიახლე და სამართალი, რომელიც ამ ქვეყანას აკლია", - განაცხადა თაკო ჩარკვიანმა.
როგორც ვაშაძე აცხადებს, მათი გადაწყვეტილების მიზეზი, საპარლამენტო არჩევნებში მმართველი პარტიის დამარცხებაა.
,,ჩვენი გადაწყვეტილების მიზეზი არის გამარჯვების ის ფორმულა, რომელმაც უნდა დაამარცხოს დამსხვრეული ოცნებების პარტია, ასე რომ, ვიწყებთ ძალიან მძლავრ პროცესს, რომელიც მიგვიყვანს დიდ გამარჯვებამდე 31 ოქტომბერს, ამაში დარწმუნებული ვარ", - განაცხადა გიორგი ვაშაძემ
ახლადშექმნილი გაერთიანება არჩევნებზე პრემიერად გიორგი ვაშაძის კანდიდატურას დაასახელებს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი