რუსეთის მმართველ პარტიაში აცხადებენ, რომ ოკუპირებული ცხინვალის ე.წ. საპრეზიდენტო არჩევნებში მხარს ანატოლი ბიბილოვს უჭერენ
რუსეთის მმართველი პარტია ოკუპირებული ცხინვალის რეგიონის ე.წ. საპრეზიდენტო არჩევნებში მხარს ანატოლი ბიბილოვს უჭერს. ამის შესახებ რუსეთის სამთავრობო პარტიის გენერალური საბჭოს მდივანმა ანდრეი ტურჩაკმა განაცხადა.
მისივე თქმით, რუსეთის მმართველი პარტია „ერთიანი რუსეთი“ მზად არის მუშაობის ახალი ეტაპისთვის.
რუსული მედიის ინფორმაციით, ტურჩაკი ცხინვალში პარტია „ერთიანი ოსეთის“ მე-8 ყრილობას დაესწრო, რომელზეც ე.წ. საპრეზიდენტო კანდიდატად ანატოლი ბიბილოვი დაამტკიცეს.
ტურჩაკის თქმით, ბიბილოვს გააჩნია აუცილებელი ცოდნა და გამოცდილება „სახელმწიფო აღმშენებლობის“ და რუსეთსა და ე.წ. სამხრეთ ოსეთს შორის ურთიერთობის აქტიური განვითარების კუთხით.
ტურჩაკმა ბიბილოვზე საუბრისას აღნიშნა, რომ მან შეძლო პასუხისმგებლიან მეთაურად წარმოეჩინა თავი, რომელმაც იცის, როგორ მოაგვაროს ხალხის პრობლემები.
რუსეთის მმართველი პარტიის მაღალჩინოსმა აღნიშნა, რომ მომავალ არჩევნებზე მნიშვნელოვანია გაიმარჯვოს არა უბრალოდ ვიღაცის პირადმა ამბიციებმა, არამედ რეგიონის მომავალზე ჭეშმარიტმა ზრუნვამ.
სიახლეები
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი
- " ვხედავთ ძალადობას: ოპონენტების ცემა, დაშინება, დემონსტრაციების დარბევა, რეპრესიები და სხვა სასტიკი მეთოდები, ამას არაფერი აქვს საერთო ევროპასთან"
- დღეს, აქცია-პერფორმანსი "გზავნილი ქუთაისიდან" - კი ევროპას! არა რუსულ კანონს!" გაიმართა