საქართველოს სისხლის სამართლის კოდექსში წერია, რომ საშიში დაავადების შესახებ ინფორმაციის დამალვა ან დაავადების გავრცელება, ანდა ეპიდემიოლოგიური წესების დარღვევა დასჯადი ქმედებაა. არის შემთხვევები, როცა ფაქტი ორწლამდე პატიმრობასაც კი ითვალისწინებს.

“ჩვენ უნდა გამოვიჩინოთ პასუხისმგებლობა, როგორც ჩვენი, ასეცე ჩვენს გარშემო მყოფი პირების მიმართ. მნიშვნალოვანია ყველა რეკომენდაციის გათვალისწინება. ჩვენი კანონმდებლობით დასჯადი ქმედებაა ფაქტი, თუ ადამიანმა იცის რომ ამ დაავადების მატარებელია, ან შეიძლება იყოს აღნიშნული დაავადების მატარებელი და არ მიმართავს ყველა იმ ზომას, ეს დაავადება არ გადასცეს სხვას.

თუკი ეს ყველაფერი გამიზნულად იყო გაკეთებული, იცოდნენ რომ დაავადება შესაძლოა მათ ჰქონოდათ ცხადია, სახელმწიფომ კონკრეტული ნაბიჯები უნდა გადადგას,”- აცხადებს “საერთაშორისო გამჭვირვალობა საქართველოს” დირექტორი ეკა გიგაური.

ამ დრომდე უცნობია დაინტერესდება თუ არა შესაბამისი უწყება იმ პაციენტების პასუხისმგებლობის შესახებ, რომელმაც საშიში ვირუსის სიმპტომების ქონა დამალა.