შსს-მ ისნის საოლქო საარჩევნო კომისიის თავმჯდომარის გარდაცვალების ფაქტზე გამოძიება დაიწყო
შინაგან საქმეთა სამინისტრომ ისნის საოლქო საარჩევნო კომისიის თავმჯდომარის გარდაცვალების ფაქტზე გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს.
თედო გობეჯიშვილის ცხედარი ამ დროისთვის ექსპერტიზის ეროვნულ ბიუროშია გადასვენებული, სადაც მას გარდაცვალების მიზეზის დამდგენი პროცედურები უტარდება.
"ქართული ოცნების" წევრმა გიორგი ხელაშვილმა დღეს გამართულ ბრიფინგზე განაცხადა, რომ კომისიის თავმჯდომარე "ერთიანი ნაციონალური მოძრაობის" აქტივისტების მხრიდან მუქარის ფაქტის შემდეგ გარდაიცვალა.
ოპოზიციური პარტიის წარმომადგენლის, ხატია დეკანოიძის თქმით, ამგვარი განცხადება ადამიანის სიცოცხლით პოლიტიკური მანიპულირების მცდელობაა.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე