მინისტრის თქმით, არავის აქვს უფლება, პაციენტი კლინიკის გარეთ დატოვოს. 

ეკატერინე ტიკარაძე ირწმუნება, რომ ზარზე დაუყოვნებლივ მოხდება რეაგირება.

,,პაციენტს აქვს უფლება დარეკოს 15 05-ზე, ეს ზარი იწერება, შესაბამისად, მოხდება დროული რეაგირება, როგორც რეგულირების სააგენტოს მხრიდან, ასევე, ჯანმრთელობის ეროვნული სააგენტოს მხრიდან. ჩვენ ნამდვილად უზრუნველვყოფთ ყველა პაციენტის უსაფრთხოებას და მის განთავსებას საჭირო ლოკაციაზე. არავის აქვს უფლება, პაციენტი დატოვოს კლინიკის გარეთ," - განაცხადა ეკატერინე ტიკარაძემ ,,რუსთავი 2-ის" ეთერში.