ჯანდაცვის მინისტრმა ეკატერინე ტიკარაძემ განაცხადა, რომ ვაქცინის ეს დოზები მასობრივი იმუნიზაციის პროცესში ჩაერთვებიან. 

მინისტრის განცხადებით, მოწყობილია მასობრივი ვაქცინაციის ახალი სივრცეები, რომლებიც დღეში 4 000-მდე პირის გატარებას შეძლებს. 

"ჩვენ ვამზადებთ 20 ბრიგადას შესაბამისი გამტარობით, რაც გულისხმობს იმას, რომ ჰოლდინგისა და სამედიცინო უნივერსიტეტის ერთობლივი პარტნიორობით, ამ სივრცეებში შეგვიძლია გავატაროთ ამ სივრცეებში 4 000 პაციენტი. ამ სივრცეების მოწყობისთვის ჩვენ 48 საათზე ნაკლები დრო დაგვჭირდა. ვაქცინაციის პროცესი გეგმისამებრ მიმდინარეობს", - ამბობს ჯანდაცვის მინისტრი ეკატერინე ტიკარაძე.