მისივე თქმით, ამ ეტაპზე 6800-მდე საწოლია მობილიზებული და დამატებაზე მუშაობა მიმდინარეობს.

"ვითარება საკმაოდ რთულია. გასული კვირის განმავლობაში შემთხვევების რაოდენობა სტაბილურად 3 000-მდე იყო, რაც ბუნებრივია, ჯანდაცვის სექტორზე სერიოზულ ზეწოლას ქმნის. ჯანდაცვის სექტორი მაქსიმალურადაა მობილიზებული, ყოველდღიურად დამატებითი საწოლფონდი ერთვება - 6800-მდეა უკვე მობილიზებული და დამატებითი საწოლების მობილიზებაზე მუშაობა მიდის. ასევე კოვიდ სასტუმროს მობილიზებაც მიმდინარეობს ყოველდღიურ რეჟიმში. ნიღბების გამოყენება, ასევე სწრაფი ვაქცინაცია, თავშეყრისგან თავის შეკავება ეს იქნება საშუალება, რომ პიკი, რაც შეიძლება სწრაფად გავიაროთ", - განაცხადა გაბუნიამ.