სავარაუდოდ, ეს ანტისხეული, კორონავირუსის შტამების ფართო სპექტრის წინააღმდეგ ეფექტური იქნება. ინფორმაციას ვაშინგტონის უნივერსიტეტის სამედიცინო სკოლა ავრცელებს.

მეცნიერები ამტკიცებენ, რომ აღმოჩენილი ანტისხეული, მცირე კონცენტრაციის შემთხვევაშიც კი, COVID-19-ის სხვადასხვა მუტაციის წინააღმდეგ მაღალი ეფექტურობით მუშაობს.

კვლევისთვის მეცნიერებმა თაგვები გამოიყენეს. SARS2-38-მა კორონავირუსის "ალფა", "ბეტა", "გამა" და "დელტა" შთამების განეიტრალება შეძლო. ეფექტურობა აჩვენა მან "კაპა" და "იოტა" ვარიანტების შემთხვევაშიც, რომლებსაც ახლა მკვლევარები აკვირდებიან.

მეცნიერების თქმით, ეს აღმოჩენა ანტისხეულების საფუძველზე კორონავირუსის მკურნალობის ახალი მეთოდების შემუშავებისთვის ახალი ნაბიჯი გახდება.

"ეს კარგი იქნება კომბინირებული თერაპიისთვის. ჩვენ შეგვიძლია, დავიწყოთ ამ ანტისხეულის სხვასთან გაერთიანებაზე ფიქრი, რათა შევქმნათ კომბინირებული თერაპია, რომლისთვისაც წინააღმდეგობის გაწევა ვირუსს გაუჭირდება", - განაცხადა პროფესორმა მაიკლ დაიმონდმა.