როგორც მან სხდომის დასრულების შემდეგ განმარტა, ე.წ ბუსტერით 50 წელს გადაცილებულ, ასევე ქრონიკული დაავადებების მქონე ნებისმიერი ასაკის მოქალაქეებს აცრიან. 

"ბუსტერ" დოზის გაკეთება შესაძლებელი იქნება მეორე აცრიდან 6 თვის ვადის გასვლის შემდეგ.

„ორი ძირითადი საკითხი განიხილა საბჭომ, ეს გახლავთ ე.წ. ბუსტერ დოზის გამოყენება და ასევე, ბავშვების ვაქცინაციის საკითხი. ბუსტერ დოზებთან დაკავშირებით, საბჭომ მხარი დაუჭირა ბუსტერ დოზის გამოყენებას მეორე აცრიდან 6 თვის შემდეგ, 50 წლის ზემოთ პირებში, ასევე ნებისმიერი ასაკის პირებში, ვისაც აქვს რაიმე ქრონიკული დაავადება და ასევე, მაღალი რისკის პროფესიებში, როგორიც გახლავთ სამედიცინო პერსონალი, ასევე დახურული ტიპის დაწესებულებაში მცხოვრები პირები და იქ დასაქმებული თანამშრომლები,“- განაცხადა გაბუნიამ.