დაიცავით ეს 5 ოქროს წესი, რათა ზამთარი გაციების და გრიპის გარეშე გადააგოროთ
მოუთმენლად ელოდებით ახალ წელს? სამწუხაროდ, ავადმყოფობამ შეიძლება გააფუჭოს თქვენი სადღესასწაულო განწყობა. გაციება და გრიპი, ზამთრის სეზონის თანმდევი დისკომფორტია, თუმცა, მარტივი რჩევების გათვალისწინებით, მათი თავიდან არიდება, შესაძლებელია!
მიირთვით მეტი ხილი და ბოსტნეული
თუკი გსურთ, რომ ზამთრის სეზონისთვის იმუნიტეტი გაიძლიეროთ, მაშინ უმჯობესია, ჯანსაღი კვების რეჟიმზე გადახვიდეთ.
ამოიღეთ რაციონიდან მარილიანი და შაქრიანი კერძები, სანაცვლოდ კი ჩაამატეთ მეტი მწვანილი და ხილ-ბოსტნეული. ცივ ამინდში იმუნური სისტემის გასაჯანსაღებლად, საუკეთესო არჩევანი ისეთი სეზონური ბოსტნეულია, როგორიცაა სტაფილო და კარტოფილი.
დღის განმავლობაში, მეტი დრო გაატარეთ გარეთ
როდესაც გარეთ ცივა, დიდია ცდუნება, რომ მთელი დღე, სახლში ჩაფუთნულმა გაატაროთ, მაგრამ, საკუთარ თავს უნდა აიძულოთ გარეთ გასვლა.
თუ ზამთარში საკმარის დროს არ გაატარებთ ბუნებრივ შუქზე, ამან შეიძლება გამოიწვიოს D ვიტამინის დეფიციტი, რაც უარყოფითად იმოქმედებს თქვენს ჯანმრთელობაზე.
როდესაც თავისუფალი დრო გექნებათ, გადით გარეთ და თუნდაც დღეში 20 წუთი გაატარეთ გარეთ. დაიმახსოვრეთ, მზის სხივები, ღრუბლიან ამინდშიც კი აღწევს ჩვენამდე.
დარწმუნდით, რომ საკმარის წყალს სვამთ
ზაფხულში ყოველთვის გვახსენებენ, რომ საკმარისი წყალი უნდა მივიღოთ. მაგრამ ზამთარში, ჰიდრატაცია არანაკლებ მნიშვნელოვანია.
თბილ ტანსაცმელში ადვილია გაოფლიანება, ეს დანაკარგი კი, სწორედ ონკანის წყლით უნდა შეივსოთ. მოერიდეთ ალკოჰოლს, ყავას და ჩაის, რადგან ეს სასმელი, სასმელი წყლის დეფიციტს კიდევ უფრო გაამწვავებს.
შეეცადეთ, უკეთ გამოიძინოთ
მართალია ზამთარში დილით გაღვიძება ადვილი არ არის, მაგრამ უნდა შეეცადოთ დაიცვათ თქვენი რეგულარული ძილის რეჟიმი.
დამატებით, ძილის ხარისხის გასაუმჯობესებლად, მოერიდეთ საღამოს საათებში კოფეინს, ვარჯიშს და საკვების მიღებას.
ყოველთვის თბილად ჩაიცვით
თუ გარეთ დიდ დროს ატარებთ, მაშინ თავი უნდა დაიცვათ ჰიპოთერმიისგან, მოყინვისა და გადაციებასთან დაკავშირებული სხვა პრობლემებისგან.
მიადევნეთ თვალი ამინდის პროგნოზს და ჩაიცვით სათანადოდ. შეიძინეთ თბილი ზამთრის ქურთუკი, ნაქსოვი ქუდი, კაშნე და ხელთათმანი, რადგან ზამთრის მთავარი გამოწვევა, სითბოს შენარჩუნებაა.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი