თეატრმცოდნე ნიკოლოზ წულუკიძემ ქუთაისელ მაყურებელთან ქართული თეატრის ისტორიის შესახებ ისაუბრა.

პერფორმანსის სახით წარმოდგენილი იყო ქართული თეატრის აქამდე უცნობი ისტორიები, ის რასაც ცენზურა მალავდა და დღემდე მხოლოდ ვიწრო წრეებში შემონახული ამბებით ჩვენამდე მოვიდა.

მოთხრობილი იყო იმ ადამიანების ისტორია, რომლებმაც ქართული თეატრის აღორძინებაში განსაკუთრებული წვლილი შეიტანეს.

"ასე მგონია, გამოცდა უნდა ჩავაბარო მის უდიდებულესობა ქუთაისს. ამ ქალაქში თეატრი (და მგონი ყველაფერი) განსაკუთრებულად უყვართ. მადლობა ერთ დღეში გაყიდული ყველა ბილეთისთვის," - განაცხადა FirstNews.ge-თან საუბარში ნიკოლოზ წულუკიძემ.