„მადლიერების სახლის“  ბენეფიციარი  ოჯახების წევრებს   დღეს  სასურსათო პროდუქტების ნაკრები ქუთაისის მერმა იოსებ ხახალეიშვილმა პირადად გადასცა.,,ქუთაისის „მადლიერების სახლის“  800-მდე ბენეფიციარს საახალწლო ნობათები გადავეცით. ეს ადამიანები ,  წლებია  „მადლიერების სახლში“ მზრუნველობას და ყურადღებას იღებენ. 

საახალწლო სასურსათო ნობათები ტკბილეულობასთან ერთად, გადავეცით ჩვენს ბენეფიციარებს. თითოეულ მათგანზე 2021 წელსაც გავაგრძელებთ ზრუნვას და  საჭიროებისამებრ დავეხმარებით.  

,,მადლიერების სახლი"-ს ბენეფიციარების გადაადგილება  მუნიციპალური ტრანსპორტის საშუალებით ვუზრუნველყავით და ადგილზე აიღეს საახალწლო ნობათები.

სიმშვიდის, ჯანმრთელობის და სიკეთის მომტანი იყოს ამ ადამიანებისთვის 2021 წელი,"- განაცხადა იოსებ ხახალეიშვილმა.