იმერეთში უხვმა ნალექმა სამ მუნიციპალიტეტში პრობლემები შექმნა
იმერეთში უხვმა ნალექმა რიგი პრობლემები შექმნა 3 მუნიციპალიტეტში. წყალტუბოს, ხარაგაულისა და სამტრედიის მუნიციპალიტეტებში უხვმა ნალექმა დატბორა, როგორც საუბნო გზები ასევე საკარმიდამო ნაკვეთები.
სამტრედიაში, სოფელ ბაშში დაიტბორა ათამდე საცხოვრებელი სახლი. ხარაგაულში ადიდდა მდინარე ძირულა და მიმდებარე ინფრასტრუქტურა დააზიანა. ხანგრძლივი წვიმის შედეგად ადიდებულმა მდინარე ძირულამ ასევე დატბორა მოსახლეობის საკარმიდამო ნაკვეთები. წყალტუბოში ძირითადად დატბორილია საკარმიდამო ნაკვეთები.
მუნიციპალიტეტებში სტიქიის პრევენციის სამუშაოები აქტიურად მიმდინარეობს. მობილიზებულია მუნიციპალური ტექნიკა და ყველაფერი კეთდება იმისთვის რომ ზარალი იყოს ნაკლები.
ამ დროისთვის ლოკალურად გზებზე გადაადგილება არსად არაა შეზღუდული. არცერთი სოფელი არ არის მოწყვეტილი გარესამყაროს. ამ დროისთვის რეგიონში უხვი ნალექით გამოწვეული სხვა შემთხვევები არ ფიქსირდება. იმერეთში სახელმწიფო რწმუნებულის ადმინისტრაცია 12-ვე მუნიციპალიტეტიდან ინფორმაციას საათობრივად იღებს და შესაბამის ღონისძიებებს ატარებს.
სიახლეები
- საქართველოს რკინიგზა 21 და 22 აპრილს თბილისი-ფოთი-თბილისის და თბილისი-ბათუმი-თბილისის მიმართულებით რეისებს ამატებს
- "საქართველოში არჩევნების გაყალბება და საგარეო კურსის შეცვლა მოგონილი თემებია, სიმართლე ჩვენს მხარესაა და მოსახლეობა მხარს ჩვენ გვიჭერს"
- "ჩვენ ვამბობთ, რომ ქართველი ხალხის ვიზით შანტაჟი ჩვენთვის მიუღებელია - შანტაჟის ქვეშ ეროვნული საქმე არ კეთდება"
- უცხოური ვალუტის ოფიციალური კურსი 18 აპრილისთვის
- "ყოველთვის ვთვლიდით, რომ პრეზიდენტ ზურაბიშვილთან არსებული კოორდინაციის პლატფორმა მნიშვნელოვანი ფორმატია საერთო მიზნებისთვის, ვაგრძელებთ თანამშრომლობას"