„ვფიქრობ მრავალი წლის პრობლემა გადავჭერით. მოწესრიგებულ მუნიციპალურ ტრანსპორტს ათეულობით წელი ველოდით. აქ შექმნილი ინფრასტრუქტურა სრულიად აკმაყოფილებს თანამედროვე სტანდარტებს, რაც საშუალებას გვაძლევს უკეთ მოვემსახუროთ მგზავრებს,“- განაცხადა იოსებ ხახალეიშვილმა.

ავტოპარკის ტერიტორიაზე მოეწყო ღია ავტოსადგომი 90 ავტობუსზე, ავტოპარკინგი პერსონალისა და ვიზიტორებისთვის, გამწვანების, მოსასვენებლი და სარეკრეაციო ზონები, აშენდა ადმინისტრაციული შენობა და სხვა დამხმარე ნაგებობები. სამუშაოებისთვის 2 643 000 ლარი დაიხარჯა.