ქუთაისის მერმა იოსებ ხახალეიშვილმა, ახალგაზრდა მოხალისეებთან ერთად, დეკორატიული მცენარეები დარგო დავით ხახალეიშვილის ქუჩაზე და მუნიციპალური სატრანსპორტო კომპანიის ეზოში. ქალაქში აქტიურად მიმდინარეობს უკვე არსებული ზრდასრული ხე-მცენარეების  საგაზაფხულო მოვლის სამუშაოები,  სკვერებისა და პარკების განახლება. 


„მსოფლიო 21 მარტს ტყის საერთაშორისო დღეს გაეროს გადაწყვეტილებით 1971 წლიდან აღნიშნავს. ჩვენ ყოველწლიურად , სხვადასხვა აქციებით ვუერთდებით ამ დღის აღნიშვნას.

წელს,  ახალგაზრდებთან ერთად, რამდენიმე ადგილას მოვაწყვეთ გამწვანების აქცია, დავრგეთ 100 ძირი ჰიმალაის კედარი. ახლა მთავარია, გავახაროთ და მოვუაროთ ყველა ამ ნერგს, რათა ქუთაისში რაც შეიძლება ბევრი მწვანე ნარგავი, სარეკრეაციო ზონა და შესაბამისად, ჯანსაღი გარემო გვქონდეს.“- განაცხადა იოსებ ხახალეიშვილმა.