ქუთაისის მუნიციპალიტეტში სპორტის პოლიტიკის დოკუმენტის შექმნაზე მუშაობა მიმდინარეობს
ქუთაისის მუნიციპალიტეტში სპორტის პოლიტიკის დოკუმენტის შექმნაზე მიმდინარეობს მუშაობა.
პროექტი „სპორტის პოლიტიკის განვითარება ქუთაისის მუნიციპალიტეტში“ გაეროს განვითარების პროგრამის (UNDP) და შვედეთის მთავრობის მხარდაჭერით და საქართველოს პარლამენტის სპორტის და ახალგაზრდულ საქმეთა კომიტეტის ხელშეწყობით ხორციელდება.
ქუთაისის უნივერსიტეტში გაიმართა ტრენინგი, სადაც UNDP-ის მოწვეულმა ექსპერტმა ანატოლი კორეპანოვმა , შეხვედრის მონაწილეებთან ერთად, განიხილა ქუთაისში სპორტის განვითარებისათვის აუცილებელი კონკრეტული აქტივობები, პრიორიტეტები და განხორციელების გზები.
შეხვედრას ესწრებოდნენ ქუთაისის მერი იოსებ ხახალეიშვილი და ვიცე-მერი დავით ერემეიშვილი.
„ქუთაისი დიდი სპორტული ტრადიციების ქალაქია. ამიტომაც, ჩვენ მივიღეთ გადაწყვეტილება,შევიმუშაოთ სპორტის განვითარების დოკუმენტი, რათა სპორტი ქუთაისში იყოს უფრო ხელმისაწვდომი და გვქონდეს უფრო მაღალი სპორტული მიღწევები.
დოკუმენტზე მუშაობა შესაძლებელი გახდა გაეროს განვითარების პროგრამის მხარდაჭერით. მალე მზად გვექნება სტრატეგიის დოკუმენტი და დავიწყებთ საჯარო განხილვებს.
აღსანიშნავია, რომ ქუთაისი პირველი მუნიციპალიტეტია საქართველოში, რომელიც სპორტის სტრატეგიასა და განვითარების კონცეფციაზე მუშაობს. „- განაცხადა იოსებ ხახალეიშვილმა.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი