დევნილთა/ლტილვილთა საერთაშორისო დღე ქალთა ფონდმა „სოხუმმა“ბულვარში სოხუმური ყავის არომატით აღნიშნა
დევნილთა/ლტილვილთა საერთაშორისო დღე ქალთა ფონდმა „სოხუმმა“ბულვარში სოხუმური ყავის არომატით აღნიშნა, რაც უკვე მესამე წელია, ქუთაისის ტრადიციაა.
ფონდში არსებული დღის სარეაბილიტაციო ცენტრის ბენეფიციარების მიერ მოეწყო სამახსოვრო სუვენირების, პოლიმერული თიხის ნაკეთობების გამოფენა, ჩატარდა მასტერკლასი. სტუმრებმა ქვიშაზე მოდუღებულ ყავასთან ერთად, დააგემოვნეს ბენეფიციარების მიერ მომზადებული ორცხობილები აფხაზეთის თემატიკის მოხატული მინანქრით.
აქციაზე ქალთა ფონდ „სოხუმის“ თავმჯდომარე ალლა გამახარიამ, განსაკუთრებული მეგობრობისა და პარტნიორობისთვის, მადლობის სერტიფიკატები გადასცა აკაკი წერეთლის სახელობის სახელმწიფო უნივერსიტეტს, რექტორს შალვა კირთაძეს, ასოცირებულ პროფესორს და მთარგმნელს ელისო ფანცხავას, ხონის და ბაღდათის თვითმმართველობის პირველ პირებს, ბატონ ალუ გამახარიას, ქეთი ცხაკაიას, წყალტუბოს #1 და #4 საჯარო სკოლებს.
გაიმართა ქუთაისის ახალგზრდული ცენტრის სამხატვრო სკოლის პლენერი „ფერადი გზავნილები აფხაზეთს“, რომელზეც ნორჩმა მხატვრებმა ადგილზე შექმნეს კომპოზიციები.
მიუხედავად უამინდობისა, შთამბეჭდავი ლიტერატურული, მუსიკალური და ქორეოგრაფიული ინსცენირებები წარმოადგინეს წმ.გაბრიელის სასულიერო გიმნაზიის, აფხაზეთის #5 და #6 სკოლების მოსწავლეებმა.
აქცია „სოხუმური ყავა ქუთაისის ბულვარში“ ქალთა ფონდმა „სოხუმმა“ ფოტოისტორიის და გაწეული საქმიანობის საილუსტრაციო პოსტერების ფონზე წარმოადგინა.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი