დღეს გამართულ ღონისძიებაზე ქუთაისის მერმა იოსებ ხახალეიშვილმა აუზის დირექტორი მიხეილ გიორგაძე წარადგინა, საუბარი შეეხო სამომავლო გეგმებსა და სიახლეებს, რასაც აუზის ადმინისტრაცია მომხმარებელს შესთავაზებს.

დღესვე საწყლოსნო სპორტის სხვადასხვა სახეობაში მოეწყო საჩვენებელი გამოსვლები.

ოლიმპიური სტანდარტების საცურაო აუზის სიგრძე 50 მეტრი, ხოლო სიგანე 25 მეტრია. აუზის კომპლექსში ასევე მოეწყო, მცირე აუზი ბავშვებისთვის, სავარჯიშო დარბაზი და გასახდელები.

ქუთაისის საცურაო აუზით სარგებლობას შეძლებენ როგორც მოყვარულები, ისე პროფესიონალი სპორტსმენები.

აუზი მოემსახურება ადგილობრივ და საერთაშორისო სპორტულ ღონისძიებებსაც. ინფრასტრუქტურა ადაპტირებულია შეზღუდული შესაძლებლობების მქონე პირთათვის.