არა რუსულ კანონს! - ამ მოწოდებით ქუთაისში აქცია გაიმართა
არა რუსულ კანონს! - ამ მოწოდებით ქუთაისში აქცია გაიმართა. მედიის, „ენჯეოსა“ და სხვადასხვა სექტორის წარმომადგენლებმა გამჭვირვალობის შესახებ კანონპროექტი გააპროტესტეს.
მათი თქმით, აღნიშნული კანონი არის რუსული და ემსახურება არა გამჭვირვალობას, არამედ, არასამთავრობო ორგანიზაციების და მედიის შეზღუდვას და საფრთხეს უქმნის დემოკრატიას.
"ჩვენი მიზანია, დღევანდელი აქციით კიდევ ერთხელ დაფიქსირდეს, რომ ქალაქ ქუთაისს აქვს პოზიცია. მეორე ის, რომ ქალაქ ქუთაისში მოღვაწე არასამთავრობო ორგანიზაციებსა და მედიას აქვს პოზიცია. მესამე საკითხია, რომ ეს კანონი არანაირი გამჭვირვალობის შესახებ არ არის.
ეს კანონი არის ძალაუფლების გარანტირებულად შენარჩუნების მცდელობის შესახებ, რადგან პირდაპირ მიემართება იმ არასამთავრო ორგანიზაციების მიმართ, რომლებიც ამ ქვეყანაში რაღაც განსხვავებულ, ალტერნატიულ, თუნდაც კრიტიკულ აზრს აფიქსირებენ. სწორედ ეს არის ამ კანონის მთელი დედა არსი,"- განაცხადა Firstnews.ge-თან საუბარში სამეცნიერო-ინტელექტუალური კლუბის ,,თაობათა დიალოგის" ხელმძღვანელმა ნუგზარ კოხრეიძემ.
აქციის მონაწილეების თქმით, მსგავსი გამოსვლები გაგრძელდება, ვიდრე არ მოხდება კანონპროექტის გაუქმება.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი