ქუთაისის მუნიციპალიტეტის მერიაში სტუდენტები და კურსდამთავრებულები სტაჟირებას გაივლიან
საქართველოს მთავრობის ინიციატივით, 2024 წლის სექტემბრიდან, სახელმწიფო დაწესებულებებში 4-თვიანი ანაზღაურებადი სტაჟირების პროგრამა დაიწყო. პროგრამის ფარგლებში, ქუთაისის მუნიციპალიტეტის მერიაში სტუდენტები და კურსდამთავრებულები გაივლიან სტაჟირებას.
დღეს, ქუთაისის მერიაში გაიმართა შეხვედრა სტაჟირების პროგრამაში ჩართულ ახალგაზრდებთან. შეხვედრას ესწრებოდნენ ქუთაისის მერის მოვალეობის შემსრულებელი დავით ერემეიშვილი, საკრებულოს წევრები, მერიის იმ სამსახურებისა და განყოფილებების ხელმძღვანელები, სადაც შერჩეული აპლიკანტები 4-თვიან სტაჟირებას გაივლიან.
„ქუთაისის მერია შეუერთდა სტუდენტთა და კურსდამთავრებულთა ანაზღაურებადი სტაჟირების სახელმწიფო პროგრამას. პროგრამის ფარგლებში შერჩეულ სტაჟიორებს დღეს მერიაში შევხვდით. ჩვენ ისინი კონკურსის საფუძველზე შევარჩიეთ.
მჯერა, ეს ახალგაზრდები ჩვენთან საჯარო სამსახურში მუშაობის მნიშვნელოვან გამოცდილებას მიიღებენ, რასაც სათანადოდ გამოიყენებენ თავიანთ შემდგომ საქმიანობაში,“- განაცხადა დავით ერემეიშვილმა.
სიახლეები
- "კატეგორიულად ვემიჯნებით ძალადობას და მოვუწოდებთ მოქალაქეებს, არ მიიღონ მონაწილეობა დესტრუქციულ ქმედებებში" - გიორგი შარაშიძე
- ცესკოს წინასწარი მონაცემებით, თბილისის მერის არჩევნებში კახა კალაძემ ხმების 71.55% მიიღო, ირაკლი კუპრაძემ 12.45%, იაგო ხვიჩიამ 7.52%
- "მართლა შთამბეჭდავია გამარჯვება - დიდი მადლობა მინდა გადაგიხადოთ თქვენ და ჩვენს ყველა ამომრჩეველს, საერთოდ ქართულ საზოგადოებას" - ბიძინა ივანიშვილი
- „იმედის“ მიერ ჩატარებული ეგზიტპოლის შედეგებით მიხედვით, თბილისის მერის არჩევნებში კახა კალაძემ ხმების 77.4%, ირაკლი კუპრაძემ კი 8.8% მიიღო
- საქართველოს მასშტაბით ყველა საარჩევნო უბანი დაიხურა