ქუთაისელ მოჭადრაკეები მარიამ გიორგაძე, ბარბარე აშოთია და გაბრიელ გაბადაძე ქვეყნის ჩემპიონები გახდნენ, მეორე ადგილზე გავიდა ლილე სვანიძე, მესამე ადგილი კი მარიამ მიქაძემ, ანასტასია ჭიჭინაძემ, თეკლა კოღუაშვილმა და ანდრია ყუბანეიშვილმა მოიპოვეს.

ახალგაზრდა მოჭადრაკეებს და მათ მწვრთნელებს საქართველოს საჭადრაკო ჩემპიონატზე მიღწეული წარმატებები ქუთაისის მერის მოვალეობის შემსრულებელმა დავით ერემეიშვილმა და იმერეთის ჭადრაკის ფედერაციის პრეზიდენტმა, პარლამენტარმა ზაზა ლომინაძემ მიულოცეს. ხელისუფლების წარმომადგენლებმა წარმატებულ სპორტსმენებს სიმბოლური საჩუქრები გადასცეს.