სამართალდარღვევები დაფიქსირდა თიანეთის, ქობულეთის, ხულოს, შუახევის,
ოზურგეთის, ცაგერის, ხარაგაულის, ჭიათურისა და ახალციხის მუნიციპალიტეტებში.
ჯამში ამოღებულია უკანონოდ მოპოვებული სხვადასხვა სახეობის 20 ერთეული ხე-
მცენარე, 33 ერთეული მრგვალი ხე-ტყე (მორი) და 1,5 კუბური მეტრი მოცულობის საშეშე
მერქანი.

სამართალდამრღვევების მიმართ შედგა შესაბამისი დოკუმენტაცია.
ტყით უკანონო სარგებლობის ფაქტების პრევენცია, აღკვეთა და გამოვლენა
დეპარტამენტისთვის პრიორიტეტულია. ამ მიმართულებით სამართალდარღვევათა
შემცირების მიზნით, დეპარტამენტის ეკიპაჟები ქვეყნის მასშტაბით 24-საათიან, უწყვეტ
პატრულირებას ახორციელებენ და სამინისტროს ცხელ ხაზზე (153) შემოსულ
შეტყობინებებზეც მყისიერ რეაგირებას ახდენენ.

უკანონო ტყითსარგებლობასთან ბრძოლის ფარგლებში დეპარტამენტი აქტიურად
იყენებს თანამედროვე ტექნოლოგიებს. პარალელურად, კიდევ უფრო გამკაცრდა
სანქციები. ყველა აღნიშნული ქმედების შედეგად, ბოლო წლებში უკანონო
ტყითსარგებლობის ფაქტების კლება შეინიშნება.