სამოქალაქო აქტივისტმა აკაკი საღინაძემ ცენტრალურ მოედანზე „ბორში“ "პატრიოტების" მხარდამჭერებისთვის მიიტანა.

მისი თქმით, მათ ძალიან უყვართ რუსეთი და რუსული „ბორში“. აკაკი საღინაძის განცხადებით, პარტია რუსული ფულით ფინანსდება, რაც საქართველოს ღალატი და შეურაცხყოფაა.

,,შემთხვევით გავიგეთ, რომ ,,პატრიოტთა ალიანსს" აქცია აქვს  ქუთაისში. ისინი ქადაგებენ ძალადობას, ფინანსდებიან რუსული ფულით, ამიტომ ჩვენთვის მიუღებელია მსგავსი ტიპის მხარდაჭერა. მე, როგორც რიგითი მოქალაქე, ამ ფორმით ვაპროტესტებ ამას და პრორუს აქტივისტებს ვთავაზობ რუსულ ბორშს", - განაცხადა FirstNews.ge-სთან საუბარში სამოქალაქო აქტივისტმა აკაკი საღინაძემ.