როგორც „ინტერპრესნიუსს“ გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა სვეტლანა ნიორაძემ განუცხადა, ძირითადად უნალექო ამინდი ქვეყნის მთელ ტერიტორიაზე 26 ნოემბრის ჩათვლით შენარჩუნდება.

აღნიშნულ პერიოდში დასავლეთ საქართველოს დაბლობში დღის მაქსიმალური ტემპერატურა +13+18 გრადუსი; მაღალმთაში ღამით მინუს 5 გრადუსი დაფიქსირდება. აღმოსავლეთ საქართველოს ბარში დღისით მოსალოდნელია +10+15 გრადუსი, მაღალმთაში მინუს 8 გრადუსი; თბილისში კი +12 გრადუსი დაფიქსირდება.