ქუთაისის მუნიციპალიტეტის საკრებულოს თავმჯდომარემ ირაკლი შენგელიამ, ქალაქის მერმა იოსებ ხახალეიშვილმა, იმერეთში სახელმწიფო რწმუნებულის მოადგილემ ლევან სანიკიძემ და ადგილობრივი თვითმმართველობის სხვა წარმომადგენლებმა დავით აღმაშენებლის ძეგლი გვირგვინით შეამკეს.

პატივდების ცერემონიაში სსიპ კადეტთა სამხედრო ლიცეუმის მოსწავლეებმა მიიღეს მონაწილეობა.

„მინდა მივულოცო სრულიად საქართველოს დღევანდელი დღე.

დავით აღმაშენებელი გახლავთ ძლიერი, გაერთიანებული საქართველოს სიმბოლო.

მისი მოღვაწეობა არის ნათელი დადასტურება იმისა თუ რამხელა ძალა აქვს პოლიტიკურად და ეროვნულად მოაზროვნე ადამიანს.

გილოცავთ კიდევ ერთხელ“,- განაცხადა ქუთაისის საკრებულოს თავმჯდომარემ ირაკლი შენგელიამ.