როგორც ჯანდაცვის სამინისტროში განმარტეს, 0-17 წლამდე ასაკის ბავშვებისთვის განკუთვნილი დახმარების მისაღებად რეგისტრაციის ვადა 1 დეკემბრამდეა, შესაბამისად, დახმარებას მიიღებს ყველა ბავშვი, რომელიც 1 დეკემბრამდე დაიბადება. 

ბავშვებისთვის განკუთვნილ 200 ლარიან დახმარებაზე 15 აგვისტოდან დაიწყო ელექტრონული რეგისტრაცია. პარალელურად, მოქალაქეებს, თუ ელექტრონულ პორტალზე ვერ შეძლებენ რეგისტრაციას, შეუძლიათ სოციალური მომსახურების სააგენტოს ყველა ტერიტორიულ ერთეულს, საქართველოს რეგიონული განვითარებისა და ინფრასტრუქტურის სამინისტროსა და ადგილობრივი თვითმმართველობებს, იუსტიციის სამინისტროს იუსტიციის სახლებს და საზოგადოებრივ ცენტრებსა და "ლიბერთი ბანკის" ფილიალებს" მიმართონ.