"მარტვილში პატრიარქის მოხატულობა დააზიანეს ტაძრის კედელზე. ცხადია, რომ ეს ვანდალიზმია. ალბათ არსებობს ვარაუდები, ვისგან და ვისი მიმდევრებისგან შეიძლება ეს მოდიოდეს, იმის გათვალისწინებით, სად მოხდა და ვისი სიძულვილის ლექსიკის შედეგი შეიძლება ეს იყოს.

ნაწილს გაუკვირდა, რა უნდა პატრიარქის მოხატულობას ტაძრის კედელზეო, მეც თავდაპირველად გამიკვირდა, თუმცა, თუ სწორად მახსენდება, ტაძრების მოხატულობაში ყოველთვის იყო ყოფითი ეპიზოდებიც, საუკუნეების განმავლობაში მეფეების ფრესკები, რომლებიც მაშინ წმინდანებად არ იყვნენ შერაცხულები, ასევე ტაძრების ქტიტორებიც იყვნენ გამოსახულები ტაძრების კედლებზე და ა.შ.

ნებისმიერ შემთხვევაში, გამოძიება უნდა დაიწყოს ვანდალიზმზე და დაზიანებაზე, შემდეგ კი შესაბამისი პასუხისმგებლობა აიღონ საკუთარ თავზე შემსრულებლებმაც და სიძულვილის ლექსიკით გამოხატულმა დამკვეთებმა.

მიუხედავად იმისა, ვის ვინ ესიმპატიურება ან არ ესიმპატიურება, მსგავსი რამე მიუღებელია თანამედროვე საზოგადოებისთვის, როგორც სიძულვილის ტირაჟირების, ასევე ვანდალიზმის კუთხით,"- წერს ის.