ხუხაშვილი "ფეისბუქის" საკუთარ გვერდზე ქართულ პოლიტიკაში არსებულ მდგომარეობასა და პოლიტიკოსებზე წერს:

"არსებობს სიმბიოზები, რომლებიც ბუნებრივი ანტაგონისტები არიან, მაგრამ ერთმანეთს კვებავენ და ასაზრდოებენ.

მაგალითად ბუ, რომელიც თავის ბუდეში აცხოვრებს გველს, იმ მიზნით, რომ მან გაანადგუროს მწერები, რომლებიც ბუს ბარტყებს მის მიერ მოპოვებულ საკვებს უჭამენ.

ასეთი სიმბიოზი ჩამოყალიბდა ქართულ პოლიტიკაში - ერთმანეთს ვერ იტანენ, მაგრამ კვებავენ და ასაზრდოებენ და თუ ვინმე სხვა გამოჩნდა მათ "ბუდეში" ერთიანდებიან და ანადგურებენ.

რეალურად, თუ ვინმეს არ მოსწონს აწმყო და წარსული და სურს ამ მანკიერი სიმბიოზის ტყვეობიდან გამოსვლა, უნდა გააკეთოს ალტერნატული არჩევანი, რადგან ამ ორიდან ვისაც არ უნდა მისცეს ხმა, უნდა ესმოდეს, რომ ირჩევს ორივეს…", - წერს გია ხუხაშვილი სოციალურ ქსელში.