ექიმის თქმით, რეანიმაციულ განყოფილებებში მყოფი პაციენტების 99% აუცრელია. 

კულუმბეგოვი აღნიშნავს, რომ კოვიდით აცრილებიც ავადდებიან, თუმცა, მათ უმეტესობას ვირუსი მსუბუქად, სახლის პირობებში გადააქვს.

"რეანიმაციულ განყოფილებებში 99% აუცრელი პაციენტია. ქვეყანაში 1 მილიონი ადამიანია აცრილი, თქვენ ფიქრობთ ისინი საერთოდ არ ავადდებიან? უნდა გაგაწბილოთ, აცრილებიც ინფიცირდებიან კოვიდით, მაგრამ ეს ხალხი უმეტეს შემთხვევაში სახლში მკურნალობს, შესაბამისად ნაკლებად ხდება კლინიკების გადატვირთვა და სამედიცინო პერსონალის გამოფიტვა. მასობრივი ვაქცინაციის მიზანიც ესაა - კოვიდსასაკლაო გადავაქციოთ მართვად პანდემიად!", - წერს ბიძინა კულუმბეგოვი სოციალურ ქსელში.