მისივე თქმით, მეტი თანადგომა გვჭირდება პარტნიორი სახელმწიფოებისგან, მატერიალური, პოლიტიკური თუ სამხედრო.

"ცალკე ჩვენი ელჩები უნდა ხვდებოდნენ დიპლომატებს სხვა და სხვა ქვეყანაში და აჩვენებდეს, ცალკე პარლამენტის თავმჯდომარე, საგარეო საქმეთა მინისტრი და პრემიერი (უკვე უხერხულია მისი ხსენებაც კი) უნდა დარბოდეს პარტნიორ ქვეყნებში, რომ აჩვენოს კარგად, რა გამოიარა საქართველომ და ჩეჩნეთმა რუსების ხელში, რომ ის, რაც ხდება უკრაინაში, რუსეთის იმ ქცევის გაგრძელებაა, რასაც წლებია ვუძლებთ ჩვენ და ამჟამადაც ჩვენი მოქალაქეები არიან ოკუპირებული ხელისუფლების ტყვეობაში, წამების და არაადამიანური მოპყრობის ქვეშ, მათ შორის ირაკლი ბებუა, რომელიც გმირია და არავის ახსოვს და სხვაც არაერთი.

აი, ამას უნდა ცდილობდეს დღეს ჩვენი დიპლომატია, რომ კიდევ უფრო გაააქტიუროს ა.შ.შ. თუ ევროპის სახელმწიფოები, რომლებიც წლების განმავლობაში ვერ ხედავდნენ იმას, რასაც ჩვენ გავდიოდით.

რომ ჩვენ გვჭირდება მეტი თანადგომა პარტნიორი სახელმწიფოებისგან, მატერიალური, პოლიტიკური თუ სამხედრო.
რასაც ვწერ, არ უშლის ხელისუფლებისეული "მშვიდობის" ფორმულასაც თუ ამას საერთოდაც შეგვიძლია "მშვიდობის ფორმულა" ერქვას.

იმ ქცევით და რიტორიკით, რასაც დღეს პრემიერი და მმართველი ძალა ცდილობს, დღევანდელი ხელისუფლება შეურაცხყოფს ყველა იმ გმირს, ვინც საქართველოს ერთიანობისთვის იბრძოდა, ყველა იმ წამებულის სულს, რომელიც რუსმა ფაშისტებმა აწამეს წლების მანძილზე, ყველა იმ ადამიანს, რომლებიც საკუთარ ქვეყანაში იქცა დევნილად ან საკუთარი ქვეყნიდან საქართველოში შემოვიდა ლტოლვილად წლების წინ.

თქვენ არ ხართ მშვიდობის ხალხი, ხელისუფლებავ, თქვენ ჩვენი გარდაცვლილების, წამებულების, დევნილების, ლტოლვილების და თითოეულ ჩვენგანს შეურაცხყოფთ და თქვენი არსებობა იმაზე დიდი ტრაგედიაა, ვიდრე ამ ადამიანების სიკვდილი,"- წერს ანალიტიკოსი არჩილ გამზარდია.