"თუ ზურაბიშვილმა რამე ცუდად გააკეთა, პასუხისმგებელი ივანიშვილი და კობახიძე არიან" - ზაზა ბიბილაშვილი
თავდები ხომ იცით, რას ნიშნავს? აი, თავდებში რომ ჩაუდგები ვინმეს, იმან თუ ვალდებულება ვერ შეასრულა, მოგაკითხავენ და შენ მოგთხოვენ პასუხს, - ამის შესახებ სოციალურ ქსელში " ილია ჭავჭავაძის ცენტრის" დამფუძნებელი ზაზა ბიბილაშვილი წერს.
მისი თქმით, 2018 წელს ივანიშვილი, კობახიძე და კომპანია თავდებში ჩაუდგნენ ზურაბიშვილს.
"თავდებში კი არა, ჩვენ ვართ ეგო, პირდაპირ გვითხრეს.
ხოდა, თუ ზურაბიშვილმა რამე ცუდად გააკეთა, პასუხისმგებელი ივანიშვილი და კობახიძე არიან. მათ შემოგვასაღეს ეგ პროდუქტი.
წარმოიდგინეთ, თავდებმა რომ მოვალეს უჩივლოს და... ბანკი მოვალეს გადაეფაროს - არა, ეგ კაი ტიპიაო. ხო აბსურდია?
ხოდა, შოუში "ივანიშვილის ივანიშვილის წინააღმდეგ" (გნებავთ, "ივანიშვილი თავისი პრინციპული არჩევანის წინააღმდეგ") არც ერთის მხარეს არ ვარ.
თუ მაინცდამაინც, ეს მარაზმი ადასტურებს, რომ შემდეგ ჯერზე რუს თაღლითებს აღარ უნდა ვენდოთ (ან აქამდე როგორ ენდო ვინმე, მაგრამ ჯანდაბას).
და საერთოდ - ფსბ მართავს ქვეყანას, რუსეთის აგენტ ფარცხალაძეს მთელი სახელმწიფო გადაეფარა, ამერიკას უკვე ოფიციალურად უპირისპირდებიან, ჩვენ კი რაზე ვსაუბრობთ?
თავში ქვა უხლია, მუცელში - სამართებელი ორივე "მხარეს". ერთნი არიან პუტინ ვლადიმირში,"- წერს ზაზა ბიბილაშვილი.
შეგახსენეთ, რომ საქართველოს საკონსტიტუციო სასამართლოში პრეზიდენტ სალომე ზურაბიშვილის საიმპიჩმენტო წარდგინების განხილვა მიმდინარეობს.
საკითხს საკონსტიტუციო სასამართლოს 9 მოსამართლისგან შემდგარი პლენუმი განიხილავს.
თავად პრეზიდენტი სხდომას არ ესწრება. მის ინტერესებს სასამართლოში იურისტები თამარ ჩუგოშვილი და მაია კოპალეიშვილი დაიცავენ.
წარდგინების ავტორების სახით სხდომას ესწრება „ქართული ოცნების“ თავმჯდომარე ირაკლი კობახიძე და მმართველი პარტიის სხვა წევრები: ანრი ოხანაშვილი, გიორგი კახიანი და თენგიზ შარმანაშვილი.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი