„ნაპოლის“ რეკორდები ევროტურნირებზე - ყველაზე დიდი საგარეო გამარჯვება „აიაქსთან“ მოიპოვა
ხვიჩა კვარაცხელიას „ნაპოლიმ“ ჩემპიონთა ლიგაზე „აიაქსთან“ შეხვედრა 6:1 მოიგო, რაშიც ხვიჩა კვარაცხელიამ თავისი წვლილი შეიტანა – ქართველმა თავდამსხმელმა ლიგაზე სადებიუტო გოლი გაიტანა და საგოლე გადაცემა შეასრულა.
სტატისტიკას თუ გადავხედავთ, აღმოვაჩენთ, რომ „ნაპოლიმ“ ევროტურნირებზე სტუმრად ექვსი გოლი პირველად გაიტანა.
მანამდე ნეაპოლელებს სარეკორდო სხვაობით გამარჯვებები სამ სხვადასხვა გუნდთან ჰქონდათ: 2008/09 უეფა-ს თასზე ალბანური „ვლაჟნია“ 5:0 დაამარცხეს. ასეთივე ანგარიშით სძლია „ნაპოლიმ“ „ბრიუგესა“ და „მიდტიულანდს“, რომლებსაც 2015/16 წლების სეზონში ევროპის ლიგაზე შეხვდა.
რაც შეეხება გრანდებთან დაპირისპირებებში გამარჯვებებს, უეფა-ს თასის 1992/93 წლების სეზონში ნეაპოლელებმა „ვალენსიას“ „მესტალიაზე“ 5:1 მოუგეს. ხუთივე გოლი ფონსეკამ გაიტანა.
ჩემპიონთა ლიგის A ჯგუფში 3 ტურის შემდეგ „ნაპოლი“ ასპროცენტიანი შედეგით, 9 ქულით ლიდერობს და „ლივერპულს“ 3 ქულით უსწრებს. ხვიჩა კვარაცხელიას 3 შეხვედრაში შესანიშნავი სტატისტიკა აქვს – 1 გოლი გაიტანა, 2 საგოლე გადაცემა შეასრულა და 2 პენალტი მოიპოვა.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი