შეჯიბრი 3 დღის განმავლობაში მიმდინარებდა. მასში საქართველოს სხვადასხვა მუნიციპალიტეტიდან ქალთა 6 და მამაკაცთა 8 გუნდი ჩაერთო.

ტურნირი ქუთაისის მუნიციპალიტეტის მერიის “სპორტული ინიციატივების პროგრამის” ფარგლებში გამარჯვებული პროექტია. გამარჯვებულ და საპრიზო ადგილებზე გასულ გუნდებს ფულადი ჯილდო, თასები და მედლები გადაეცათ.

დაჯილდოების ცერემონიას ქუთაისის მერის მოვალეობის შემსრულებელი დავით ერემეიშვილი და საკრებულოს თავმჯდომარის მოადგილე გია ბასილაძე დაესწრნენ.

საპრიზო ადგილები ასე გადანაწილდა:
ქალთა გუნდები: I - ლი ადგილი - ქუთაისის ,,ტორპედო"; II ადგილი - ხონის ,,იმერეთი"; III ადგილი - ქუთაისის ,,მართვე" .
მამაკაცთა გუნდები: I - ლი ადგილი ქუთაისის ,,არესი“; II ადგილი - ქუთაისის ,,ჭავჭავაძე"; III ადგილი - აკაკი წერეთლის სახელმწიფო უნივერსიტეტის გუნდი.