ამის შესახებ France Football-ი იუწყება. ცნობილი გამოცემის აზრით, პრემიის გადასაცემად სამართლიანი პირობები არ არსებობს. 

"ჩვენ არ გვინდა, რომ ამ ჯილდოს გადაცემისას საუბარი იყოს იმ განსაკუთრებულ გარემომებებზე, რომელიც კორონავირუსის კრიზისმა გამოიწვია. აღნიშნული პრიზი უპირველეს ყოვლისა სამართლიანობას უკავშირდება. ამ შემთხვევაში ეს მოთამაშეთა სტატისტიკას ეხება. ფეხბურთელთა ასპარეზობას ერთნაირად ვერ შეაფასებ, რადგან ბევრი მათგანისთვის სეზონი მოულოდნელად შეწყდა" - წერია France Football-ის მიერ გამოქვეყნებულ განცხადებაში. 

აღსანიშნავია რომ 1956 წლიდან, ანუ პრემიის დაარსებიდან პირველად ჯილდო არ გაიცემა. 2010 - დან  2015 წლამდე "ოქროს ბურთს", "ფიფას" ეგიდით გადასცემდნენ. უკანასკნელად მისი მფლობელი არგენტინელი ლიონელ მესი გახდა.