საბავშვო შუ ნაღების კრემითა და შოკოლადით
ინგრედიენტები
ცომი:
- კარაქი - 1/2 ჭიქა
- წყალი - 1/2 ჭიქა
- რძე - 1/2 ჭიქა
- შაქარი - 3 ს/კ
- მარილი - 1 ს/კ
- ფქვილი - 1 ჭიქა
- კვერცხი - 4 ცალი + 1 ცალი წასასმელად
- ნაღები - 2 ჭიქა
- შაქრის პუდრა - 3 ს/კ
- შავი შოკოლადი - გასაფორმებლად
პირველ რიგში გაადნეთ შავი შოკოლადი მიკროტალღურ ღუმელში, ან წყლის აბაზანაზე და დასხვით პერგამენტზე ფორმები ისე, როგორც ვიდეორეცეპტშია მოცემული. მოათავსეთ საყინულეში და დაიწყეთ ცომის მომზადება:
პატარა ქვაბში ჩაჭერით კარაქი, დადგით ცეცხლზე, დაუმატეთ წყალი, რძე, შაქარი, მარილი და ურიეთ, სანამ მასა არ გახდება ერთგვაროვანი და არ ადუღდება. დაუმატეთ ფქვილი და ჩქარი მოძრაობით ურიეთ, რათა ცომი ერთგვაროვანი გამოვიდეს. გადმოდგით ცეცხილდან, გააგრილეთ და სათითაოდ შეაზილეთ კვერცხი.
მიღებული ნაზი ცომი გადაიტანეთ საკონდიტრო ტომარაში და დასვით პერგამენტდაფენილ ფირფიტაზე შუს ფორმები. გადაუსვით ათქვეფილი კვერცხი და მოათავსეთ 180 გრადუსზე გახურებულ ღუმელში 20 წუთით.
მანამდე მოამზადეთ კრემი: ათქვიფეთ ნაღები და შაქრის პუდრა, სქელი, ჰაეროვანი კრემის მასის მიღებამდე.
გამომცხვარი შუები გააგრილეთ, მოაჭერით ფრთხილად თავი და გაავსეთ კრემით ისე, რომ კრემი შუს ფორმებიდან ჩანდეს. კრემზე დაასვით წინასწარ მომზადებული შოკოლადის ფორმები.
გაახარეთ პატარები საყვარელი და გემრიელი ნამცხვრებით.
გემრიელად მიირთვით!
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი