„წმინდა საყდარი "ხელმისაწვდომია ნებისმიერი სახის შუამავლობისთვის", - განაცხადა ვატიკანის სახელმწიფო მდივანმა კარდინალმა პიეტრო პაროლინმა Vatican News-თან ინტერვიუში. ამ კვირაში რუსეთის საგარეო საქმეთა მინისტრ სერგეი ლავროვთან სატელეფონო საუბრისას პაროლინმა გაიმეორა რომის პაპ ფრანცისკეს მიმართვა უკრაინაში ცეცხლის დაუყოვნებლივ შეწყვეტის შესახებ.

„მე ვითხოვე ბრძოლის შეწყვეტა და კონფლიქტის მოლაპარაკების გზით გადაწყვეტა. მე დაჟინებით მოვითხოვდი მშვიდობიანი მოსახლეობისა და ჰუმანიტარული დერეფნების პატივისცემას“, - განაცხადა პაროლინმა და მან იქვე პაპ ფრანცისკესავით, უარყო მოსკოვის ნარატივი „სამხედრო ოპერაციასთან“ დაკავშირებით.

„ჩვენ ომის წინაშე ვდგავართ, რომელსაც, სამწუხაროდ, მრავალი მშვიდობიანი მოქალაქე ემსხვერპლა, როგორც ყველა ომის დროს ხდება ხოლმე”, - დასძინა ვატიკანის სახელმწიფო მდივანმა. კარდინალის თქმით, მშვიდობის დამყარება "არასოდეს არის გვიან".

მისივე განცხადებით, „არასდროს არ არის გვიანი ნაბიჯების გადადგმა და შეთანხმების პოვნა“.