მან უარყო გავრცელებული ინფორმაცია იმასთან დაკავშირებით, რომ რუსეთმა ჩინეთს სამხედრო დახმარება სთხოვა.

კრემლის განცხადებით, რუსეთს შეუძლია სრული კონტროლი დაამყაროს უკრაინის ძირითად ქალაქებზე და აქვს საკმარისი სამხედრო ძალა უკრაინაში მისი მიზნების შესასრულებლად, ჩინეთის მხრიდან ყოველგვარი დახმარების გარეშე.

ამასთან, როგორც პესკოვმა აღნიშნა, უკრაინაში სამხედრო ოპერაციის დაწყებისას რუსეთის პრეზიდენტმა მთავარ ქალაქებზე შტურმის მიტანისგან თავის შეკავების ბრძანება გასცა, რათა თავიდან აეცილებინა მსხვერპლი მშვიდობიან მოსახლეობაში.

„ოპერაციის დაწყებისას რუსეთის პრეზიდენტმა ნამდვილად გასცა განკარგულება, რათა თავდაცვის სამინისტროს თავი შეეკავებინა საკვანძო ქალაქებზე მყისიერი შტურმის მიტანისგან, მათ შორის კიევზეც, იმის გამო, რომ შეიარაღებული ნაციონალისტური ფორმირებები მძიმე სამხედრო ტექნიკას უშუალოდ დასახლებულ პუნქტებში განალაგებენ. ბრძოლა მჭიდროდ დასახლებულ რაიონებში კი აუცილებლად გამოიწვევს მძიმე დანაკარგებს მშვიდობიან მოსახლეობაში. ოპერაცია სწორედ ამის გათვალისწინებით დაიგეგმა,“- განაცხადა პესკოვმა.