Forbes-მა ტრადიციული გამოკითხვა ჩაატარა და 2022 წელს, სამოგზაუროდ ყველაზე უსაფრთხო ქვეყანა გამოავლინა.

ისლანდია 2008 წლიდან მსგავსი რეიტინგის სათავეშია, ამასთან, ის მესამე პოზიციაზე იმყოფება მსოფლიოს ყველაზე ბედნიერ ქვეყნებს შორის.

ყველაზე უსაფრთხო ქვეყნების ხუთეულში, ისლანდიას ახალი ზელანდია, დანია, პორტუგალია და სლოვენია მოჰყვებიან, ათეულს კი ავსტრია, შვეიცარია, ირლანდია, ჩეხეთი და კანადა ხურავენ.

ძირითადი კრიტერიუმები, რომლის მიხედვითაც მსგავსი რეიტინგები დგება, შემდეგია:

• სოციალური უსაფრთხოების დონე;
• მიმდინარე შიდა და საერთაშორისო კონფლიქტების მასშტაბები;
• შეიარაღების ხარისხი.

მსოფლიოს ათი ყველაზე უსაფრთხო ქვეყნიდან რვა ევროპაშია – ეს არის პირველი შემთხვევა, როდესაც ათეულში ყველაზე მეტი ევროპული ქვეყანა მოხვდა.

უკვე ზედიზედ მეოთხე წელია ავღანეთი მსოფლიოში ყველაზე ნაკლებად მშვიდობიანი ქვეყანაა, ბოლო ხუთეულს იემენი, სირია, სუდანი და ერაყი ასრულებენ.

წყარო: Forbes