“ბევრმა თქვენგანმა ნახა, ან განიცადა ისეთი რამ, რაც არცერთ ბავშვს არ უნდა ენახა, თუმცა ყოველდღიურად უკრაინელი ბავშვები გვასწავლიან, რას ნიშნავს იყო ძლიერი და ღირსეული. თავი მაღლა ასწიო ყველაზე რთულ დროს“, - წერს ჯონსონი.

მისი თქმით, გაერთიანებული სამეფო ამაყობს უკრაინელი ბავშვებით.

"თქვენ მარტო არ ხართ. შეიძლება ქვეყანაში დაშორდეთ მეგობრებს, მაგრამ გყავთ მილიონობით სხვა მთელ მსოფლიოში. აქ, გაერთიანებულ სამეფოში, ჩვენ ვაფრიალებთ უკრაინის დროშებს ჩვენი სახლებიდან, ოფისებიდან, ეკლესიებიდან, მაღაზიებიდან. ჩვენი ახალგაზრდები ხატავენ თქვენს დროშას თავიანთ კლასებში და ამზადებენ ლურჯ და ყვითელ სამაჯურებს თქვენი ქვეყნის მხარდასაჭერად“, - ნათქვამია მის წერილში.

მისი თქმით, იმედი აქვს, ერთ დღეს ისინი თავისუფლად შეძლებენ უკრაინაში დაბრუნებას.

„მთელი გულით იმედი მაქვს, რომ ერთ დღეს თავისუფლად შეძლებთ საკუთარ სახლებში, სკოლებსა და ოჯახებში დაბრუნებას, რაც არ უნდა მოხდეს, რაც არ უნდა დიდი დრო დასჭირდეს ამას. ჩვენ, გაერთიანებულ სამეფოში, არასოდეს დაგივიწყებთ და ყოველთვის ვიამაყებთ, რომ ჩვენს მეგობრებს დაგიძახებთ“, - ნათქვამია ჯონსონის წერილში.