Reuters-ის ცნობით, კანონპროექტში აღნიშნულია, რომ ნებაყოფლობითი ჩაბარება რუსი სამხედრო მოსამსახურეებისთვის დანაშაულად ითვლება და 10 წლით თავისუფლების აღკვეთით ისჯება.

კანონპროექტი იმ ფონზე დამტკიცდა, როდესაც რუსეთში მიმდინარეობს დებატები შესაძლო მობილიზაციის შესახებ.

კრემლმა გასულ კვირას განაცხადა, რომ უკრაინაში სამხედრო კამპანიის გასაძლიერებლად საერთო მობილიზაციის გამოცხადებასთან დაკავშირებით განხილვა არ მიმდინარეობს. ამასთან, რუსი პოლიტიკოსების ნაწილი სრული მობილიზაციის გამოცხადების ინიციატივით გამოდის.