"რუსეთი სრულად უნდა იქნეს იზოლირებული და უნდა დაისაჯოს"
უკრაინის პრეზიდენტმა ვოლოდიმირ ზელენსკიმ 11 ოქტომბერს „დიდი შვიდეულის“ სამიტისადმი ონლაინ მიმართვაში თქვა, რომ აუცილებელია რუსეთიდან ნავთობისა და გაზის ექსპორტზე ფასების მკაცრი ზედა ზღვრის დაწესება. მან ისაუბრა იმაზე, რომ 10 და 11 ოქტომბერს რუსეთმა წამოიწყო ესკალაციის ახალი ტალღა, როცა ქალაქებსა და ენერგეტიკულ ინფრასტრუქტურაზე მის სარაკეტო იერიშებს 19 ადამიანის სიცოცხლე ემსხვერპლა.
რუსეთი სრულად უნდა იქნეს იზოლირებული და უნდა დაისაჯოს, თქვა ზელენსკიმ.
„დიდი შვიდეულის“ ლიდერებმა თავიანთ ერთობლივ განცხადებაში დაგმეს რუსეთის მიერ უკანასკნელ დღეებში განხორციელებული სარაკეტო იერიში და განაცხადეს, რომ პასუხს აგებინებენ რუსეთის პრეზიდენტ ვლადიმირ პუტინს და სხვა პასუხისმგებელთ. მათ თქვეს, რომ უკრაინას იმდენ ხანს დაეხმარებიან, რამდენ ხანსაც ეს საჭირო იქნება.
„დიდი შვიდეულისადმი“ მიმართვაში ზელენსკიმ დახმარება ითხოვა მეტი საჰაერო თავდაცვის სისტემების სახით, რათა გააუვნებლონ საჰაერო თავდასხმები. მისი თქმით, როცა უკრაინა ასეთ სისტემებს მიიღებს, „რუსეთის ტერორის საკვანძო ელემენტი - სარაკეტო დარტყმები - აღარ იმოქმედებს.“
ზელენსკიმ „დიდ შვიდეულს“ სთხოვა, მხარი დაუჭირონ მის ინიციატივას, რომ უკრაინისა და ბელარუსის საზღვარზე საერთაშორისო მისია გაიგზავნოს უსაფრთხოების ვითარებაზე დასაკვირვებლად.
სიახლეები
- დონალდ ტრამპი რუსული ნავთობის წინააღმდეგ დაწესებულ სანქციებთან დაკავშირებით უნგრეთისთვის გამონაკლისის დაშვებაზე უარს აცხადებს
- პოლიციამ თბილისსა და რეგიონებში უკანონო ცეცხლსასროლი იარაღები და საბრძოლო მასალა ამოიღო
- “ევრონესტის პლატფორმა ევროპარლამენტმა გადააქცია შანტაჟის იარაღად - ამ ძალების მხრიდან მტრული მიდგომების გათვალისწინებით, საქართველოს დელეგაცია მონაწილეობას არ მიიღებს ევრონესტის შემდგომ სესიებში” - შალვა პაპუაშვილი
- “კოლექტიურ „ნაციონალურ მოძრაობას“ პოლიტიკური პარტიის არცერთი ნიშანი არ აქვს, რადგან ფაქტობრივად, ეს არის რევოლუციური კომიტეტი” - გია ვოლსკი
- დღეიდან საჯარო სამსახურებზე ახალი კანონი ამოქმედდა