ჩინეთში ერთ დღეში COVID-19-ით 37 მილიონი ადამიანი დაინფიცირდა
ჩინეთში 20 დეკემბერს კორონავირუსული ინფექციით 37 მილიონი ადამიანი დაინფიცირდა. ამის შესახებ Bloomberg-ი ამ ქვეყნის ჯანდაცვის ეროვნული კომისიის დახურულ სხდომაზე დაყრდნობით წერს.
საერთო ჯამში, დეკემბრის პირველ 20 დღეში, კორონავირუსული ინფექციით 248 მილიონი ადამიანი ანუ ქვეყნის მოსახლეობის დაახლოებით 18%-ი დაინფიცირდა. შეხვედრის ოქმში არ არის ნახსენები, თუ რამდენი ადამიანი იმსხვერპლა ეპიდემიამ.
როგორც Bloomberg-ი აღნიშნავს, ახალი შემთხვევების მკვეთრი ზრდა შეიძლება გამოწვეული იყოს იმით, რომ ჩინეთის ხელისუფლებამ შეამსუბუქა covid-19-ის ნულოვანი ტოლერანტობის პოლიტიკის ფარგლებში დაწესებული შეზღუდვები. ამან გამოიწვია "ომიკრონის" ტიპის ვირუსის გავრცელება ბუნებრივი იმუნიტეტის დაბალი დონის მქონე მოსახლეობაში. აღნიშნულია, რომ პეკინისა და სიჩუანის პროვინციის მაცხოვრებლების ნახევარზე მეტი ინფიცირებულია კორონავირუსული ინფექციით.
სიახლეები
- ხაჭოს პასკა
- საკანონმდებლო პაკეტი, რომლის მიხედვითაც, საერთაშორისო დონორი ორგანიზაციები გრანტს მთავრობის თანხმობის გარეშე ვეღარ გასცემენ, პარლამენტმა პირველი მოსმენით მიიღო
- თბილისში დაკარგული მოზარდები იპოვეს
- "პარტია არ შეიძლება იმართებოდეს ჩემი წერილებით ან ვიწრო ჯგუფის გადაწყვეტილებებით"- სააკაშვილი
- "კლასიკური პარტიიდან უნდა გარდავიქმნათ წინააღმდეგობის მოძრაობად; პარტია არ შეიძლება, იმართებოდეს ჩემი წერილებით" - სტატუსი სააკაშვილი “ნაცმოძრაობაზე”