იერუსალიმში პოლიციასა და პალესტინელებს შორის შეტაკება მოხდა
იერუსალიმში, ალ-აქსის მეჩეთში შეტაკებები მოხდა პალესტინელებსა და ისრაელის საპოლიციო ძალებს შორის. საინფორმაციო სააგენტოების ცნობით, პალესტინელმა ახალგაზრდებმა სამართალდამცავებს პეტარდები და ქვები დაუშინეს, პოლიციამ კი, ცრემლმდენი გაზი და რეზინის ტყვიები გამოიყენა.
მასობრივ არეულობას წინ უძღოდა ისრაელის პოლიციის ოპერაცია, რომელიც მიზნად ისახავდა მეჩეთიდან ახალგაზრდების ჯგუფის გაყვანას. პოლიციის თანახმად, ეს პირები შეიარაღებული იყვნენ პიროტექნიკით, ჯოხებით და ქვებით და მას შემდეგ, რაც მეჩეთის დასატოვებლად დიალოგმა შედეგი არ გამოიღო, პოლიციელები კომპლექსის ტერიტორიაზე შევიდნენ.
იერუსალიმში მომხდარ შეტაკებამდე, პალესტინელთა მოძრაობა „ჰამასმა“ ღაზის სექტორიდან სარაკეტო იერიში მიიტანა ისრაელის სამხრეთ ნაწილზე. პასუხად ისრაელის არმიამ „ჰამასის“ ობიექტებზე საჰაერო დარტყმები განახორციელა.
სიახლეები
- ქრთამის აღების ფაქტზე ქუთაისის სამხედრო ჰოსპიტლის განყოფილების უფროსი დააკავეს
- სურსათის ეროვნული სააგენტო თავშესაფარში გადაყვანილი ცხოველების შესახებ ინფორმაციას ავრცელებს
- ,,ამას არავითარი ანდერძი არ სჭირდება, მეუფე შიო, პატრიარქობის ერთ-ერთი გამორჩეული კანდიდატია"- მეუფე ვახტანგი
- ,,დროა, ირანმა შეთანხმება დადოს, ვიდრე ძალიან გვიან არ იქნება"- დონალდ ტრამპი
- ,,დააინვალიდეს თითქმის ყველა პატიმარი, გაანადგურეს ბიზნესები, ოჯახები და დღეს ცხოველთა დაცვაზე გვესაუბრებიან ეს მწამებლები"- ირაკლი კირცხალია