"მნიშვნელოვანია გაკეთდეს შესაძლებელი და შეუძლებელი, რომ უკრაინამ რუსეთის დამარცხება შეძლოს"
უკრაინის პრეზიდენტის ვოლოდიმირ ზელენსკის განცხადებით, მნიშვნელოვანია თავისუფალი სამყაროს კონსოლიდაციის შენარჩუნება და რუსეთის დამარცხება.
„გვახსოვს: ომი რუსეთმა დაიწყო უკრაინის ფრონტზე, მაგრამ მისი სამიზნე მხოლოდ ჩვენი სახელმწიფო, მხოლოდ ჩვენი დამოუკიდებლობა არ არის და ამიტომ, აბსოლუტურად მნიშვნელოვანია თავისუფალი სამყაროს მაქსიმალური კონსოლიდაცია და შესაძლებლის და შეუძლებლის გაკეთება იმისთვის, რომ უკრაინამ რუსეთის დამარცხება შეძლოს“, - აღნიშნა ზელენსკიმ.
მისი თქმით, ევროპული სახელმწიფოების გუნდებთან მუშაობა გრძელდება უკრაინის გაძლიერების, თავდაცვის ახალი პაკეტების მიღების და უსაფრთხოების გასაძლიერებლად ახალი გადაწყვეტილებების მიზნით.
"ვაგრძელებთ ჩვენს პარტნიორებთან მუშაობას რუსეთის წინააღმდეგ ახალ სანქციებზე და სანქციების თავიდან აცილების სქემების დაბლოკვაზე და რაც შეიძლება აქტიურად ვმუშაობთ რუსული აქტივების კონფისკაციაზე. მადლობელი ვარ ყველასი, ვინც გვეხმარება რუსული აქტივების კონფისკაციის მიზნით ჩვენს მუშაობაში“, - განაცხადა უკრაინის პრეზიდენტმა.
სიახლეები
- "აუცილებელია, გამოვტაცოთ ხელიდან საარჩევნო კომისია და არავითარ შემთხვევაში, არანაირი სახეცვლილი ფორმით არ დავუშვათ „რუსული კანონის“ მიღება, რომელიც ფაქტობრივად არჩევნებსაც აუქმებს"
- "გარედან თავსმოხვეული ე.წ. პოლარიზაციის დაძლევა არის ჩვენი პასუხისმგებლობა ქართველი ხალხის წინაშე, რომელმაც ქვეყნის მართვის მანდატი უკვე რვაჯერ მოგვანიჭა"
- "ვაფრთხილებ რადიკალური ოპოზიციის ძალადობრივი დაჯგუფებების თითოეულ წევრს, ძალადობისთვის კანონის წინაშე ყველა უმკაცრესად აგებს პასუხს"
- "ჩვენი ქვეყანა თავისი განვითარების ერთ-ერთ რთულ მონაკვეთს გადის, მშვიდობა ყველას გვინდა, მაგრამ მისი მიღწევა ხშირად გვიჭირს, რადგან არ ვიქცევით სწორად"
- "გუშინდელი აქცია იყო უფრო ხალხმრავალი, ვიდრე „მაიდნებზე“ უკრაინაში, „ეროვნული მოძრაობის“ გარიჟრაჟზე 9 აპრილს და „ვარდების რევოლუციის“ დროსაც კი"