„უკრაინული ქალაქები გაქრა და ჩვენ ვაგრძელებთ მილიარდობით დოლარის მიცემას იმ ადამიანისთვის, რომელმაც უარი თქვა გარიგებაზე. არ არსებობდა გარიგება, რომლის დადება მას შეეძლო და რომელიც არ იქნებოდა იმაზე უკეთესი, ვიდრე ის, რაც ახლა გვაქვს. ქვეყანა განადგურებულია, მისი აღდგენა შეუძლებელია“, – განაცხადა დონალდ ტრამპმა.

ტრამპმა ბაიდენი და ჰარისი უკრაინაში რუსეთის შეჭრის ხელშეწყობაში დაადანაშაულა.

„მათ ეს ვითარება გამოიწვიეს თავიანთი სულელური გამონათქვამებით, ყოველი გადადგმული ნაბიჯით და ახლა მათ უბრალოდ არ იციან, რა გააკეთონ. ისინი ჩაკეტილნი არიან ამ სიტუაციაში. უკრაინა აღარ არის უკრაინა. თქვენ ვერასდროს ჩაანაცვლებთ ამ ქალაქებს. ვერასდროს ჩაანაცვლებთ დაღუპულ ადამიანებს“, – განაცხადა ტრამპმა.

მისივე თქმით, ბაიდენი რომ კომპეტენტური პრეზიდენტი ყოფილიყო, გარიგება შესაძლებელი იქნებოდა და მას ხელი უნდა შეეწყო რუსეთსა და უკრაინას შორის შეთანხმების მიღწევაში, რომელიც თავიდან აიცილებდა სისხლის ღვრას.