ტრამპი აცხადებს, რომ ორ კვირაში გადაწყვეტს, დააწესოს თუ არა რუსეთის წინააღმდეგ სანქციები
აშშ-ის პრეზიდენტმა, დონალდ ტრამპმა განაცხადა, რომ ორ კვირაში გაიგებს, შესაძლებელია თუ არა პროგრესი უკრაინაში ომის დასასრულებლად და კვლავ წამოჭრა მოსკოვისთვის სანქციების დაწესების პერსპექტივა.
„არ ვარ კმაყოფილი მშვიდობის დამყარების მცდელობის არცერთი ასპექტით“, – თქვა ტრამპმა ოვალურ კაბინეტში ჟურნალისტებთან საუბრისას.
ერთი კვირის წინ ტრამპი ალასკაში რუსეთის პრეზიდენტ ვლადიმირ პუტინთან მოლაპარაკებებს მართავდა, თუმცა ჯერჯერობით ვერ მოახერხა მისი დაყოლიება უკრაინის პრეზიდენტ ვოლოდიმირ ზელენსკისთან შეხვედრაზე.
„იქ უზარმაზარი სიძულვილი ტრიალებს. მაგრამ ვნახოთ, რა მოხდება. ვფიქრობ, ორი კვირის განმავლობაში გავიგებთ, თუ რომელ გზას ავირჩევ“, – აღნიშნა აშშ-ის პრეზიდენტმა.
მანვე დასძინა, რომ ამის შემდეგ გადაწყვეტს, დააწესოს თუ არა „მასიური სანქციები“ ან არაფერი გააკეთოს და თქვას „ეს თქვენი ბრძოლაა“.
სიახლეები
- იმერეთსა და რეგიონებში ხე-ტყის უკანონო მოპოვების ფაქტები გამოვლინდა
- კრამატორსკში დაიღუპნენ უკრაინელი ჟურნალისტი და ტელეოპერატორი
- “ასეთი ტიპის მოპყრობა, რაც ვნახეთ, დაუშვებელია, ერის სირცხვილია, სამედიცინო საზოგადოების შეურაცხყოფაა - როდემდე უნდა გაგრძელდეს ასეთი ძალადობა მოსახლეობაზე?” - ამირან გამყრელიძე ვაჟა გაფრინდაშვილის დაკავებაზე
- “აშშ ჩვენი მოწინააღმდეგეა, ხოლო მათი საუბრის მოყვარული „მშვიდობისმყოფელი“ რუსეთთან ომის გზას ბოლომდე დაადგა - ტრამპი შეშლილი ევროპის მხარეს სრულად დადგა” - დიმიტრი მედვედევი
- რუსეთის იერიშს კრამატორსკში მედიის წარმომადგენლები ემსხვერპლნენ